Студентска виза за Италија

Студентска виза не е потребна за студенти кои доаѓаат од Европската унија, Европската економска област и Швајцарија. Студентите кои доаѓаат од овие земји треба само да аплицираат за дозвола за престој по пристигнувањето во Италија. Студентите кои доаѓаат од трети земји и сакаат да студираат програма која трае подолго од 3 месеци, мора да имаат студентска или национална виза Д, а потоа треба да аплицираат за дозвола за престој која им дава легално право за престој.

Како би била успешна апликацијата за студентска виза, потребно е познавање на условите, процедурите и внимателно подготвување на соодветната документација. Со долгогодишното искуство и експертизата во работата со студенти, можам да ви помогнам и да ви го олеснам целиот процес од уписот до аплицирање за студентска виза.

Работење во текот на студирањето

• Меѓународните студенти во Италија имаат право да работат за време на студиите.
• Студентите кои доаѓаат од ЕУ/ЕЕЗ и Швајцарија можат да работат 20 часа неделно за време на студиите и неограничено за време на празниците, и не им е потребна работна дозвола
• Студентите кои доаѓаат од трети земји можат да работат максимум 20 часа неделно и потребно е да поседуваат дозвола за работа

Процедура

• Советување и избор на образовна институција и студиска програма
• Подготовка на уписната документација и упис
• Добивање на понуда од страна на образовната институција
• Прифаќање на понудата и добивање потврда за упис
• Аплицирање за студентска виза и подготовка за пат

Предности на студентската виза

• Можност да се добие квалитетно образование и диплома призната ширум светот
• Можност за студирање на некој од најстарите универзитети во светот
• Можност да научите или да го подобрите знааењето на италијанскиот јазик
• Можност за работа за време на студиите и стекнување драгоцено искуство и конекции
• По завршувањето на студиите, студентите можат да ја продолжат дозволата за престој и да аплицираат за работна виза
• Можност да стекнете со студентско искуство во уникатно мултикултурно опкружување

Услови за добивање на студентска виза за Италија

• Да сте запишани на студии на образовна институција во Италија
• Да имате соодветен степен на образование за студиите кои ги запишувате
• Да имате доволно ниво на познавање на италијански или англиски јазик
• Да имате организирано сместување за периодот на студирање
• Да сте финансиски способни да ги покриете трошоците за студирање и престој во Италија
• Да имате соодветно здравствено осигурување
• Да сте личност со добар карактер и претходно да не сте одбиени за италијанска виза

Студирање во Италија

Италија стана популарна студентска дестинација поради големиот избор на квалитетни студиски програми и високо ценетите образовни институции. Предностите на студирањето во Италија се дипломите и квалификациите кои се признати низ целиот свет, поволните опции за студии и можностите за добивање стипендија, како и зголемениот избор на програми понудени на англиски јазик.

Опции за студирање во Италија

Постојат различни опции за студирање во Италија:

• Курс по италијански јазик
• Основни академски студии
• Mастер студии
• Специјализирани мастер студии
• Интегрирани студии
• Докторски студии