Студентска виза за Шпанија

Дали е потребна студентска виза за студирање во Шпанија и каков тип на виза е потребна, зависи од земјата на вашиот пасош и колку долго сакате да студирате. На студентите кои доаѓаат од Европската унија, Европската економска област и Швајцарија не им е потребна студентска виза за студирање во Шпанија, и само треба да го пријават престојот за да добијат дозвола за престој (НИЕ).

Студентите од трети земји мора да имаат соодветна студентска виза. За програми кои траат од 3 до 6 месеци, потребна е краткорочна студентска виза, а за студенти кои запишуваат студии кои што траат подолго потребна е национална, односно долгорочна студентска виза. Студентите со долгорочна виза по пристигнувањето во Шпанија мора да аплицираат за студентска картичка за странци (ТИЕ), која представува дозвола за престој.

Постапката за аплицирање и добивање на студентска виза бара посветеност, знаење и детална подготовка, со цел целиот процес да се одвива непречено и успешно. Со долгогодишната работа со студенти, имам доволно искуство и знаење и можам да ви помогнам водејќи ве низ целиот процес, од уписот до аплицирањето за виза.

Работење во текот на студирањето

• Студентите кои студираат во Шпанија имаат право да работат 20 часа неделно за време на студиите
• Студентите од ЕУ/ЕЕЗ и Швајцарија можат да работат без работна дозвола, потребно е само да се пријават во соодветната социјална служба
• Студентите кои доаѓаат од трети земји имаат право на работа доколку добијат работна дозвола

Процедура

• Советување и избор на образовна институција и студиска програма
• Подготовка на уписната документација и упис
• Добивање на понуда од страна на образовната институција
• Прифаќање на понудата и добивање потврда за упис
• Аплицирање за студентска виза и подготовка за пат

Предности на студентската виза

• Студентската виза овозможува стекнување на квалитетно образование и ценета диплома
• Можност за студирање на некоја од многу старите и ценети образовни институции во Шпанија
• Студирањето во Шпанија е можност да го научите или да го подобрите вашиот шпански јазик
• Студентите имаат можност да добијат работна дозвола, да работат за време на студиите и со тоа да стекнат драгоцено работно искуство
• Студентската виза може да ви помогне да останете во Шпанија и да работите
• Можност за личен развој во уникатно мултикултурно опкружување

Услови за добивање на студентска виза за Шпанија

• Дa сте запишани full time на акредитирана образовна институција во Шпанија
• Да имате соодветно ниво на образование за студиите кои што ги запишувате
• Да сте во можност финансиски да ги покриете трошоците за студирање и престој во Шпанија
• Да имате соодветно здравствено осигурување
• Да имате организирано сместување за периодот на студирање
• Да сте во добра здравствена состојба
• Да сте личност со добар карактер и претходно да не сте биле осудувани

Студирање во Шпанија

Шпанија е една од најпопуларните европски студиски дестинации, која им нуди на студентите врвен образовен систем, голем избор на студиски програми од сите области на студии и квалификации кои се признати и ценети низ целиот свет. Во Шпанија, сите програми се нудат на шпански јазик, а покрај тоа има и голем избор на програми на англиски јазик. Покрај квалитетното образование, Шпанија привлекува голем број студенти поради поволните школарини и возбудливата медитеранска средина.

Опции за студирање во Шпанија

Постојат различни опции за студирање во Шпанија:

• Курс по шпански јазик
• Основни академски студии
• Мастер студии
• Докторски студии