Туристичка виза за Канада

Постојат два вида туристички визи за Канада:

Обична туристичка виза

Ако планирате да патувате во Канда поради одмор, посета на роднини или пријатели или за деловни цели, треба да аплицирате за туристичка виза. Туристичка виза може да се издаде за максимум период до 10 години, а максималниот престој за време на една посета може да биде до 6 месеци, за што одлучува службеникот при влезот во земјата. Оваа виза може да има „ single “ или „ multiple entries“, за што одлучува службата за имиграција при обработката на вашата апликација за виза.

Супер виза

Оваа виза е за родители, баби и дедовци на државјани на Канада и оние со постојан престој во Канада. Оваа виза овозможува подолг период на престој за време на една поединечна посета на Канада, до 2 години. Исто така, ова е "multiple entries" виза па можете да имате повеќе влезови во Канада за време на периодот на важење на визата. Доколку сте подобни за оваа виза, но планирате пократок престој во Канада, можете да аплицирате за обична туристичка виза.

Туристичка цел значи одмор во Канада или посета на семејство, роднини и / или пријатели. Бизнис патување во Канада вклучува учество во конференции, преговарање или истражување на пазарот за деловни цели.

На државјаните на одредени земји не им е потребна туристичка виза и треба да аплицираат за Electronic Travel Authority (ЕТА).