Студирање во Шпанија

Шпанија е една од најпопуларните европски студентски дестинации, за која секоја година се одлучуваат голем број студенти кои сакаат да добијат квалитетно образование по пристапни цени. Шпанија има долга традиција и историја во областа на образованието и некои од најстарите универзитети во светот. Шпанија им нуди на студентите 74 универзитети и голем број други високообразовни институции и високо квалитетни студиски програми од сите области на студии. Можноста да студирате на англиски јазик, поволната клима, опуштениот начин на живот и богатото културно наследство ја прават Шпанија попопуларна дестинација за студирање.

Предности на студирање во Шпанија

• Шпанија нуди добро структуриран образовен систем, високо ценети институции и врвни студиски програми од сите области на студии
• Шпанскиот јазик е популарен меѓу оние кои сакаат да учат на странски јазик. Во Шпанија сите програми се нудат на шпански јазик, но покрај тоа постои голема понуда на програми и на англиски јазик
• Меѓународните студенти во Шпанија имаат право да работат пола работно време ако добијат работна виза, што може да биде добар начин да стекнат вредно меѓународно искуство, конекции, но и да се олеснат трошоците за живот
• Животните трошоци во Шпанија се пониски во споредба со другите популарни студиски дестинации
• Како една од најпопуларните студентски дестинации, Шпанија нуди мултинационална средина, но исто така и можност да се запознае со автентичното население на разни шпански провинции
• Шпанија нуди возбудлива историја, архитектура, уметност и култура, како и поволна клима и релаксиран начин на живот, сè што е потребно за да се употполни студентското искуство

Опции за студирање во Шпанија

Постојат различни опции за студирање во Шпанија:

• Курс по шпански јазик
• Основни академски студии
• Мастер студии
• Докторски студии

Студентска виза за Шпанија

Студентите кои доаѓаат од Европската унија, Европската економска област и Швајцарија, можат да студираат без студентска виза, потребно е само да аплицираат за дозвола за престој. Студентите кои доаѓаат од трети земји и сакаат да студираат програма која трае подолго од 3 месеци мора да аплицираат за национална виза Д, а по пристигнувањето во Шпанија, потребно е да поднесат барање за студентска картичка за странци.