Graduate и Postgraduate Certificate и Diploma во Нов Зеланд

Graduate и Postgraduate Certificate и Diploma се студиски програми кои се нудат на универзитетите и индивидуалните колеџи (ITP, PTE) на Нов Зеланд.

Graduate Certificate и Diploma се дизајнирани првенствено за дипломираните студенти да продолжат со понатамошно образование на напредно ниво на додипломски студии. Овие програми доаѓаат по основните студии и имаат за цел да го унапредат вашето знаење стекнато на основните студии или да го прошират на други области на студирање.

Postgraduate Certificate и Diploma се програми осмислени да ги прошират и продлабочат знаењата и вештините на поединецот. Програмите се дизајнирани како специјализации во специфични области, така што можат да бидат од голема помош при вработувањето или напредокот во кариерата, но и да ве подготват за постдипломски студии.

Предности на Graduate и Postgraduate Certificate и Diploma во Нов Зеланд

• Овие програми се професионално ориентирани, продлабочувајќи го стекнатото знаење на основните студии, што може да биде корисно за напредувањето во вашата кариера
• Со овие програми, можете да се фокусирате и на други, нови полиња на студии и на тој начин да започнете нова кариера
• Со студентска виза имате можност да работите пола работно време (до 20 часа неделно) за времетраењето на наставата, и полно работно време за време на годишните одмори
• Ако го доведете вашиот партнер на студентската виза, истите услови за работа што важат за вас се однесуваат и на него/неа
• По завршувањето на студиите, имате право да аплицирате за Post-Study Work виза, што ви овозможува да работите во Нов Зеланд на одреден временски период, што може подоцна да ви помогне да трајно да се населите во оваа земја.