Студентска виза за Нов Зеланд

Студирањето во Нов Зеланд ви нуди уникатно животно искуство и можност да стекнете меѓународна диплома и образование по врвни стандарди, во мултикултурна средина.

Сепак, запишувањето, аплицирањето и успешното добивање на студенска виза е процес што бара време и познавање на системот за образование во Нов Зеланд, како и познавање на различните услови за добивање студенска виза.

Доколку сакате да ја продолжите вашата виза и да запишете некој друг студијски програм ќе ја имате мојата поддршка за водење на целиот процес.

Работење во текот на студирањето

• Со студентската виза, меѓународните студенти во Нов Зеланд добиваат можност да работат за време на студирањето.
• Меѓународните студенти претежно можат да работат пола работно време (20 часа неделно), но доколку студирате докторски студии, ќе можете да работите полно работно време.
• Правото на работа се дава автоматски со одобрението за студентска виза, така што студентите не мора одделно да аплицираат за работна виза.
• Партнерите на студентите исто така добиваат можност да работат.

Процедура

• Советување
• Упис
• Добивање на понуда
• Плаќање на школарина
• Аплицирање за студентска виза

Предности на студентската виза

• Нов Зеланд нуди студирање по светски стандарди и нуди на меѓународните студенти одлични услови за студирање
• постојат бројни активности што можете да ги правите додека студирате, што ви дава можност да стекнете непроценливо животно искуство и да запознаете луѓе од целиот свет
• добивате можност да работите за време на студиите
• меѓународните студенти можат да се здобијат со значајно работно искуство по студирањето преку Post-Study Work визата
• на студентска виза можете да одите со семејството

Услови за добивање на студентска виза за Нов Зеланд

• мора да имате понуда или да бидете запишани на соодветна образовна институција во Нов Зеланд
• да сте запишани како full time студент
• да имате доволно финансиски средства за учење и престој во Нов Зеланд
• да докажете дека сте веродостоен студент и дека ја користите визата за цели на студирање и обука
• да сте лице со добар карактер