Студентска виза за Швајцарија

Студентите кои доаѓаат од земјите-членки на ЕУ и Европската економска област можат да студираат во Швајцарија без студентска виза. Ако студиите траат подолго од 3 месеци, потребно е да имаат дозвола за престој. Студентите од трети земји кои сакаат да студираат подолго од 3 месеци во Швајцарија, мора да имаат национална виза која им дава право да дојдат во Швајцарија како студенти, а по пристигнувањето треба да поднесат барање за дозвола за престој.

Со долгогодишно искуство во работата со студенти и познавањето на имиграциските процедури, можам да ви помогнам да ги реализирате своите планови. Процедурите за упис и аплицирање за виза бараат планирање, искуство и знаење, а јас можам да ве поддржам и трпеливо да ве водам низ процесот.

Работење во текот на студирањето

• Меѓународните студенти во Швајцарија можат да работат 15 часа неделно додека наставата е во тек и полно работно време за време на празниците
• Студентите од трети земји можат да започнат со работа после првите 6 месеци од студирањето, кога ќе добијат дозвола за работа за која аплицира работодавачот
• Нема додатни ограничувања за граѓаните на Европската унија и Европската економска област

Процедура

• Советување и избор на образовна институција и студиска програма
• Подготовка на уписната документација и упис
• Добивање на понуда од страна на образовната институција
• Прифаќање на понудата и добивање потврда за упис
• Аплицирање за студентска виза и подготовка за пат

Предности на студентската виза

• Студентската виза за Швајцарија овозможува стекнување престижно образование и ценета диплома
• Дава можност да се студира на високо рангирани образовни институции
• Со студентска виза и самиот престој во Швајцарија, добивате можност да научите или да ги подобрите странските јазици
• Можност за работа за време на студиите и стекнување драгоцено работно искуство и важни контакти
• Можност да стекнете уникатно искуство за студирање во мултинационална и повеќејазична средина

Услови за добивање на студентска виза за Швајцарија

• Да сте запишани на студии на образовна институција во Швајцарија и да имате платена школарина
• Да имате соодветно ниво на образование за студиите кои ги запишувате
• Да имате доволно ниво на познавање на јазикот на кој се изведува наставата
• Да сте финансиски способни да ги покриете трошоците за студирање и престој во Швајцарија
• Да докажете дека вашиот мотив е привремен престој поради студирањето
• Да имате соодветно здравствено осигурување
• Да имате организирано сместување за периодот на студирање

Студирање во Швајцарија

Швајцарија е една од најпрестижните студиски дестинации и нуди супериорни услови за образование и спроведување на современи истражувања, престижни образовни институции и квалификации кои отвораат многу врати низ целиот свет. Швајцарија нуди широк спектар на студиски програми во сите студиски области, на германски, француски, италијански и англиски јазик.

Опции за студирање во Швајцарија

Постојат различни опции за студирање во Швајцарија:

• Курсеви по јазик
• Основни академски студии
• Мастер студии
• Понатамошни напредни студии во форма на сертификати, дипломи или напредни мастер студии
• Докторски студии