Партнер виза за Австралија

За оваа виза можете да аплицирате онлајн преку официјалната веб-страница на имиграциската служба на Австралија.

Апликацијата за партнерска виза за Австралија има две фази. Во почетната фаза се издава привремена виза, важечка за период од две години од датумот на издавање на визата. После овие две години односот меѓу апликантот и австралискиот партнер е повторно проценет и ако овој однос е сеуште валиден, се издава визата за постојан престој и апликантот добива статус на постојан жител во Австралија. Апликантот може веднаш да добие виза за постојан престој ако врската со австралискиот партнер е долгорочна или доколку партнерите се во брак долго време или ако партнерите добијат дете брзо по добивањето на првата привремена виза.

Апликантите кои ќе добијат трајна партнер виза, добиваат статус на постојан жител. Постојаните жители имаат право на постојано живеење, работа и студирање во Австралија. Дополнителните придобивки од статусот на постојан престој во Австралија вклучуваат здравствено осигурување (Medicare), одредени придобивки за социјално осигурување и можност да аплицираат за австралиско државјанство.

Таксата за процесирање на апликацијата за партнер и вереничката виза од страна на имиграциската служба на Австралија моментално изнесува 9.095АУД. Апликантот плаќа само една такса за процеисрање на апликацијата, која ги покрива трошоците за привремената и трајната виза. Таксата се плаќа во моментот кога се аплицира за виза. Во повеќето случаи, надоместокот за процесирање на апликацијата за виза не се рефундира апликантот ако се повлече или ако апликација за виза е одбиена.

Постојат дополнителни трошоци за процесирање на апликацијата ако имате зависни членови на семејството што сакате да ги додадете на вашата апликација.

Просечното време за процесирање на апликациите за партнер визи изнесува од 15 до 20 месеци (се менува на месечно ниво).